عضو مجلس شورى حركة النهضة الدكتور المنذر الونيسي يهاجم الاعلامي لطفي العماري وينعته بالمريض ... و ما علاقة المرحوم قاسم كافي بذلك.

لطفي العماري ...عندو دمالة ، الله أعلم وين... ديمة توجع فيه وما حبش يعمل عليها عملية باش يرتاح...

في تدوينة له كتب عضو مجلس شورى حركة النهضة الدكتور المنذر الونيسي ما يلي...

العماري والدمالة :

السيد هذا عندو دمالة ، الله أعلم وين... ديمة توجع فيه وما حبش يعمل عليها عملية باش يرتاح . الدمالة إسمها حركة النهضة ..

السيد هذا أستاذ مسرح ماخذ عطلة مرضية طويلة من عند طبيب نفساني إنتهت ويلزمو يرجع يخدم ...وما رجعش

1. كان مازال مريض ....ما ناخذوش عليه ومازال مريض نفسيا ووقتها نقولو آش يعمل في التلافز ومازال مسكين مريض ما ناخذوش عليه والعيب فلي يخدمو بلاش شهادة طبية ..

2. وكان إرتاح ...علاش ما يرجعش يخدم في وزارة التربية ؟ وعلاش وزارة التربية ما تبعثلوش كونترول وتطلب منو العودة وكان ما حبش تعزلو .. وتعتبرو abandon de poste

علاش الوزارة مطفية الضو ..

وكيفاش واحد فاصع م الخدمة متاعو ومخلي تلاميذو بلاش علم يعطي فينا كل يوم دروس ويسب في السياسيين ...

سي لطفي مريض نفساني هارب م الخدمة والصياح متاعو في البلاطوات دليل أنو ما زال ما ارتاحش وينجم يعمل كارثة في بلاطو نهار م النهارات ..

آش يستنى وزير التربية باش يشوف الحالة متاعو ..

منا لغادي كل واحد بعقلو ما يمشيش لأي برنامج متاع قناة التاسعة لين يرتاح سي لطفي ربي يشفيه م الحالة النفسية والدمالة...

الوحيد إلي كان ينجم يقوللكم ويني الدمالة مات ..الله غالب.. هذا الوحيد هو المرحوم قاسم كافي...