2017 : وديع الجريء يراسل ال CAF بحسابه البنكي الشخصي ! حتى يتلقى بصفة شخصية الفلوس. و مراسلته لل CAF كانت فضيحة مدوية!
في تدوينة له كتب النائب ياسين العياري ما يلي :
2017 : وديع الجريء يراسل ال CAF بحسابه البنكي الشخصي ! حتى يتلقى بصفة شخصية الفلوس.
مراسلته لل CAF كانت فضيحة مدوية!
أدعوكم لسماع شهادة محمد الشريعي المدير المالي السابق لل CAF من الدقيقة 5"50 :
https://youtu.be/LXPyULVA2mQ
بالطبيعة ال CAF ما جاوبتوش!
عاود بعث يتبهلل في جوان 2018، يحب الفلوس متع ال CAF في حسابه الشخصي :)
جاوبته ال CAF باش يريض و ينقص من محاولات التحيل.
وديع،
رحل الفاسد الفاسد أحمد أحمد، رفعت عنك حماية ال CAF و وصلتني فضايحك هناك! و بالوثائق! الوثائق الي ننشروها للعموم، موش الي ما يشوفها كان سمير السليمي!
شنوة وديع، تلهينا شوية في مناقشة ميزانية الدولة، تسخايبنا نسيناك، وليت تحب ترجع البطولة منغير الشابة؟ هيا شد يدك بهاذم فمزال منهم برشة!
فلوس ال CAF تحبها في مكتوبك! ما تحشمش و ما أقل حياك!
أنت بمراسلات كيما هاذم، بالطمع و محاولات التحيل، لم تسئ فقط لذاتك! بل أسأت للجامعة، للرياضة التونسية، لتونس الكل!
#يبقى_هلال_الشابة_و_يسقط_المتحيل
التعليقات