إلى أحدهم ''' توب رجلة. الشجاعة إلي تعقب الذل بلاش بيها خير ''' نعرف عديتها على برشة بهايم وحمير ''' لمكنتي حبال الكذب قصيرة برشة يا غشير.
إلى أحدهم ''' توب رجلة.
الشجاعة إلي تعقب الذل بلاش بيها خير ''' نعرف عديتها على برشة بهايم وحمير ''' لمكنتي حبال الكذب قصيرة برشة يا غشير.
أمالا ملح وبترول ''' وعلى المستعمر باش تفحج وتبول ''' على شوية كذب على ربي والرسول ''' وشوية تبوريب على للتك عبير.
عبورة وراها رجال ''' لا ينجم حد يشريهم بالمال ''' على خاطر بكلهم أبطال ''' وما ثماش ثمن للنضال ''' موش كيف الخيشة كالحرير.
وزيد تتطاول على رجال القضاء ''' ماشي في بالك هوما في حزبك أعضاء ''' عاد حسابك هاهو جا ''' وين الهربة وين تجنح وين تطير.
ربي ديما في الوجود ''' لا يقبل ظلم وجحود ''' وكل ظالم عنده مرصود ''' والظالم بحسابه موعود ''' إلي يزرع الشر مستحيل يحصد الخير.
شعب كامل هنتلتوه ''' تاجرتوا ببلاده وبعتوه ''' قلتوا ثورة كرامة ''' ملا كرامة ويكلكم خونة وخنتوه ''' وهيلاري طلعتكم ضرابة بندير.
تحيا تونس غصبا عليكم ''' وطز في المخير فيكم ''' تونس عندها رجال تبول عليكم ''' بوليسية و جيش وقضاة باش الرجلة توريكم ''' وتوة تعرفوا الفرق بين الصدق والتنبير.
تونس موش باش تطيح ''' والله لا طاحتها يا أماسيخ ''' تونس برجالها تعرفوها مليح ''' جايكم نهار زلزال وأمطار وريح ''' وكل خاين عنده في المرناقية ملحفة وحصير...هيا برة يزي ...القصاص
التعليقات