يُمكن الواحد أنّو يستغرب من تواجد رئيس الحكومة هشام المشّيشي في باريس في زيارة خاصة ليلة راس العام، خاصة مع هشاشة الوضع الأمني،
يُمكن الواحد أنّو يستغرب من تواجد رئيس الحكومة هشام المشّيشي في باريس في زيارة خاصة ليلة راس العام، خاصة مع هشاشة الوضع الأمني، ويُطالب بتوضيح رسمي، لكن أنّو توصل الوضاعة بنائب شعب محترم أنّو ينشر صور مسروقة للمواطن هشام المشيشي في انتهاك صارخ لمعطياتو الشخصيّة وحتى تعريض حياتو للخطر (لأنّو ظاهر ماشي من غير مرافقة أمنيّة)، وقتها ما تنجّم كان تتعاطف مع المواطن ورئيس الحكومة هشام المشّيشي وتستنكر السلوك المخزي للنائب المحترم، وتطلب مالمشّيشي أنّو يكمّل الكونجي متاعو في باريس ويبعث الناس الكلّ ترهّز كيما يقول المرحوم، ونقترح عليه بالمناسبة أنّو يمشي يعدّي ليلة غدوة مع طلبتنا في باريس في لمّة تونسيّة في دار تونس🇹🇳..
تدوينة النائب نبيل حجي
قالك رئيس الحكومة تعب بعد 4 شهر خدمة.
و زيد النزل مسكرة و ميش باش تحتفل براس العام.
اي، ما يرتاحش ؟
ما يحتفلش براس العام ؟
مادام الوضع في تونس مستقر و الامور عال العال علاش المشيشي ما يمشيشي يعدي الفيشطة في باريس.
اكهو عاد، ماكانش مالعاكسين، توكل على ربي ليوم و خذى الطيارة لباريس و وصل قبيلة شوية.
اما تهناو، مشى في طيارة عادية كمسافر عادي.
يقعد توة السؤال: زعمة قداش باش يقعد ؟ قداش باش تقعد الحكومة بلا رئيس 🙂
و السؤال الاهم : كي يروح، زعمة باش يحترم البروتوكول الصحي و يعدي جمعة في الحجر الذاتي ؟ والا القرارات ما تنطبقش على اللي خذاها ؟
ماعاد ما مازال، العام الجاي نعرفو 🙂
