كنت القصاص ''' وما زلت القصاص ''' لا يفلق فيا كرتوش ولا رصاص '''
على خاطر شوية ناس ''' عاديت كل الناس ''' وفي اللخر نتضرب بشلاكة عالراس''' قداش إنت بهيم يا قصاص.
أني بهيم من قبل موش من تو ''' قداش تحملت من أعاصير ونو ''' وما تربيتش ''' وكل مرة بإيديا نعبي لروحي مر الكاس.
أني جحش وحمار ''' باقي ما بقى راهو ما صارش إلي صار ''' حتى نخلي كمشة شناتة وصغار ''' يصفوا كرامتي في طاس.
كنت القصاص ''' وما زلت القصاص ''' لا يفلق فيا كرتوش ولا رصاص '''
لمكنتي تضربت على راسي بدبوس نحاس.
ثمة عباد كي حطيتها على راسي ''' درجحت رجليها ودمرت إحساسي '''
ياخي واش لزني هالهم نقاصي''' وأني ديما عالي الراس.
ما نحبش برشة نتكلم ''' حتى ما يقولوش القصاص يفلم ''' في صمت كنت نتألم ''' أما يزي مليت كل كلب عاملي كنباس.
مشي في بالي برشة عباد تفهم مرادي ''' وتفهم قدري كي نقوللهم أسيادي ''' برشة بهايم لا تفهم القدر ولا تفهم تواضع القصاص...القصاص
