خليني فقط نذكرك سيدي الرئيس أن البرلمان صادق على قانون الإنضمام لكوفاكس نهار 9 فيفري و أنك ختمته كان يوم 25 فيفري في حين كنت تنجم تختمه منذ 16 فيفري،
في تدوينة للنائب ياسين العياري جاء ما يلي :
"وَّيُحِبُّونَ أَن يُحْمَدُوا بِمَا لَمْ يَفْعَلُوا " صدق الله العظيم.
خليني فقط نذكرك سيدي الرئيس أن البرلمان صادق على قانون الإنضمام لكوفاكس نهار 9 فيفري و أنك ختمته كان يوم 25 فيفري في حين كنت تنجم تختمه منذ 16 فيفري، فقط لتعطل جلب التلاقيح أسبوعا كاملا، لتستفيد من ذلك، من تأزيم الوضع، من العبث بصحة التوانسة، في عركتك السياسية.
ورغم تعطيلك للتلقيح، و رغم أنك جمدت كل عمل ديبلوماسي باش يخلط التلقيح، جاي توة تركب زقفونة بكل وقاحة، على إجتهاد رجل أعمال تونسي تدخل بعلاقاته باش تجي 30 ألف جرعة!
في الإخر،أنت لست أقل خبثا أو مغالطة منهم، فقط التوانسة مزالوا غالطين فيك!
عندي 3 ملاحظات معاليك :
- الجزائر الي أعلنت إنها بش تقسم معانا التلاقيح في تزليطة دبلوماسية.. إي كيفاش تو؟ ويني؟ فكرتني بحكاية الويفي بلاش : شوطان بالصبع و كذب لا أكثر!
- علاش ما رجعتش ال500 جرعة للإمارات بعد ما ذلونا عليهم؟
تطلعش خاطر لا صحة عسكرية لا زمارة، و تم إستعمالهم و الكله أفلام؟
- تتكتب "تظافر" موش تضافر.
إنك تتعارك مع الغنوشي، سبب ما فيه البلد من مصائب منذ 10 سنوات، لا يعطيك الحق في إنك تكذب على التوانسة و تعبث بصحتهم بخبث و تغلطهم.. يا نظيف! الناس معاك في عركتك مع الغنوشي لأنهم يعتقدون أنك نقيضه، ياخي تواترت المحطات و بدأ يبان رويدا رويدا، أنك نسخة منه فقط تحكي بالعربية!
