ما فيبالكش اللي ما يلزمكش تعطي الجنب لإئتلاف الكرامة وقت تستدعاهم للقصبة و تقوللهم التصوير لا و مبعد ما يخرجو من عندك يڨعروك و يعملو تصويرة في ساحة ..
رئيس حكومة الصدفة :
- ما فيبالكش اللي وقت تمشي لباريس تحت حس مس يلزمك تبعد على الخلط المشبوهة ؟
- ما فيبالكش كي يموت نسيبك يلزم تقوم بالواجب قبل ما تنڨز و تهز نعش محرزية ؟
- ما فيبالكش اللي ما يلزمكش تعطي الجنب لإئتلاف الكرامة وقت تستدعاهم للقصبة و تقوللهم التصوير لا و مبعد ما يخرجو من عندك يڨعروك و يعملو تصويرة في ساحة الحكومة ؟
- ما فيبالكش وقت تبعث البروتوكول متاعك باش يبدل الجواب الغالط راهو فمة كاميرا في مكتب الضبط في قرطاج ؟
- ما فيبالكش اللي فمة حجر صحي و حظر تجوال و تباعد و إنت تعطي في ترخيص لحركة النهضة باش يبندرولك و الناس ميتة بالشر ؟
- ما فيبالكش اللي كاتبة دولة ماخذة الثقة من البرلمان على صفتها تلك ما تنجمش تكون وزيرة ؟
- ما فيبالكش اللي الحملة متاع إلغاء الرخص الهدف متاعها هو قناة نسمة ؟
- ما فيبالكش اللي وقت تمشي لأوتيل صدربعل يلزم تخلص و ما تڨحفش و تقعد على كل لسان و حتى السيمينار متاع البنك الدولي يتسمى حكاية فارغة قدام فاتوراتك ؟
- ما فيبالكش اللي وقت تفتح تحقيق و إنت رئيس حكومة و وزير داخلية بالنيابة ، في جرعات تلقيح دخلو لتونس ، تتسمى فضيحة ؟
- و غيرها و غيرها ..... لكن موش الكلام الكل يتقال و إنت تعرف اللي أنا نعرف
الحاجة الوحيدة اللي يلزم يكون فيبالك بيها هو أنو أياماتك في القصبة أصبحت معدودات 😂😂😂