استفقنا على تونسي ارهابي آخر يقتل في ابرياء باسم الدين، ارهابي من تلامذة الظلاميين اللّي زرعوا في شبابنا وشعبنا المسالم سمومهم طيلة العشر سنوات ...
كل نهار واخباره:
-استفقنا على تونسي ارهابي آخر يقتل في ابرياء باسم الدين، ارهابي من تلامذة الظلاميين اللّي زرعوا في شبابنا وشعبنا المسالم سمومهم طيلة العشر سنوات الاخيرة ومازالوا يتبجحوا بالتقوى...أولادكم يقراوا في احسن المدارس والجامعات الغربية وابناء الشعب اتدمغجوا فيهم وتبعثوا فيهم للمجازر ولتشويه صورة بلادهم...
-واستفقنا على خبر 107 وفاة في 24 ساعة من جراء الكوفيد ومستشفيات ناقصة اكسجين، وناقصة أسرّة مجهزة لقبول مرضى الوباء القاتل !!!
-واستفقنا على خبر ان اللّي مشى يطلب في الفلوس من نيويورك باش يصرفها على الشهريات، واللّي تقريبا كل يوم يعيّن في مستشار، عين لنا مستشار برتبة وزير نحّاه منذ ايام من على رأس الخطوط الجويّة لان الشركة فلست...
يا سيدي اصرف الفلوس كاينة، وتونس عندها مال قارون ...كان جاء رئيس الحكومة في شركة خاصة راهم طردوه لسوء التصرّف وعدم الكفاءة ... موش منّو من اللّي عينو وجابهولنا...
فمّاش عبث، واستهتار بمصلحة الوطن، وتلاعب بالمال العام، وعدم شعور بالمسؤولية تجاه المواطن واحتياجاتو كيف هذا ؟
ادعوكم لقراءة التاريخ واتعظوا بيه قبل ما تتقلب على روسنا وروسكم...
الاميرال (م)كمال العكروت
