ما يهمكم لا في بلاد ولا في عباد، لا في ألي مرضو، لا في إلي ماتوا. أخزروا لرواحكم في المراية، وعاودوا ورايا: "إحنا مجرمين
إلي عملتو الحكومة اليوم وأعلن عليه مستشارها بكل صحة رقعة، إسمها موش فساد. إسمها جريمة. وقت تاخو التلقيح وغيرك إلي مستحقو وما ياخذوش يمرض ويموت، تتسمى أنت قتلتو. نستناو لجنة شسمها في المجلس وإلا الغنوشي يطلب مساءلة المشيشي وإلا وزير الصحة؟ لا. موش باش يصير منو حتى شيء. علاش؟ لأنها حكومة مجرمة، مسنودة من إئتلاف مجرم ما يهموش في الناس إلي باش تموت من جراء إلي صار. كان جات حكومة تعمل في حاجات، والله نفهم. نوليو إحنا نخافو عليها من قبل ما تخاف على روحها. أما قولولي، علاش تلقحوا؟؟ شنية الخسارة العظيمة الناتجة على عدم تلقيحكم؟ بجدكم إنتوما حكومة يعني وتسيروا في بلاد؟
شفتو علاش برشة ناس يساندوا في قيس سعيد؟ خاطر كل شيء قاعد يؤكد في تقييمو ليكم: ما تحشموش، وماثماش أمل يجي نهار وتحشموا. ما يهمكم لا في بلاد ولا في عباد، لا في ألي مرضو، لا في إلي ماتوا. أخزروا لرواحكم في المراية، وعاودوا ورايا: "إحنا مجرمين خاطر بسببنا إحنا ثمة ناس باش تموت"... صحيتو... حاولوا ترقدوا توة، يا مجرمين!
