الداخلية عندها لوجيسيال الواتس و شراتو هي و وزارة اخرى من عند فرخ جابو من عند الالمان و عطيتوه agrément ما خذا بيه حتى صفقة
تدوينة لشهرزاد عكاشة:
قبيلة انا كنت كتبت قلت ان الداخلية عندها لوجيسيال الواتس و شراتو هي و وزارة اخرى من عند فرخ جابو من عند الالمان و عطيتوه agrément ما خذا بيه حتى صفقة كان هذي و لاسباب غامضة عمل الصفقة و هرب من البلاد.
المشكلة مش هنا ، المشكلة في تركيب الاصوات ، مايا صاحبتي و ما ننكرش لكن قد ما حكينا عمرنا لا حكينا كلام هكه لاننا عانينا من هتك الاعراض برشا .. هذا الحقيقة مش غريب لان سبب تنحية الحبيب الصيد كان تسجيل مركب هزوه للباجي بعد زيارة الحبيب الصيد للمغرب و بعد شفتوا اش صار. مش هكه سي نور الدين ؟؟؟ بون نور الدين ما ينجمش يجاوبني لانو هو و الحفيان في دبي توا.
المشكلة الكبيرة الثانية هي كيفاش التسريبات قاعدة تخرج من وزارة الداخلية ... هنا نرجع بالذاكرة لعركة وزير الداخلية السابق توفيق شرف الدين مع مدير ديوانه اللي استقوى بالمشيشي وقت اللي توفيق شرف الدين حب ينحي مدير المصالح الفنية المسؤول على التنصت .. هنا كانك خياط تبع الغرزة.
هنا نحب نسال سي زهير الصديق شكون اللي عطى الماتريال لراشد الخياري بش سجل محمد عمار ؟؟؟؟ و نسال سي توفيق السبعي على هاك الولد الpirate اللي يحيه لبيروه و بعثو للاستعلامات اش جا يعمل في بيروه ؟؟؟ ماذا بينا تجاوبونا و الا يجاوبنا الصارم المستصرم هشام المشيشي و الا يا مشيشي نسألو صفحات بوشلاكة ؟؟
اه حقه يا هش حتى انت خادمين عليك الزرق حلفاءك لانهم عندهم نفس اللوجيسيال .. عس على روحك خاطر ممكن يخرجولك تسجيل .
