نهار في 2018 هك السيد المستشار كلمني . و قالي تو علاش ما تجيش معانا و تاخو مستشار و الا مكلف بمهمة و الا هاو بش نحطو مديري اذاعات و انت أولى من غيرك .
هات نحكيلكم سر ..قاعد على قلبي كالجبل .
نهار في 2018 هك السيد المستشار كلمني . و قالي تو علاش ما تجيش معانا و تاخو مستشار و الا مكلف بمهمة و الا هاو بش نحطو مديري اذاعات و انت أولى من غيرك ..و ايجا معانا و نخدمو للسيد الرئيس ( يقصد الفاشل ) و فك عليك من نسمة و من نبيل الخ الخ .
قتلو عيش خويا ( نحسبو خو وقتها بالحق ) . خليوني هك خير .انا ما طالب شي كان توافقولي على مطلب المغادرة الاختيارية .و راني صابب مطلبي و واخو موافقة مالادارة متاعي . خليوني ناخو تفتوفة ، حقي بعد 20 سنة خدمة في الاعلام العمومي .و زدت قتلو بالحرف ، و الله ناوي يبعث صلوحة للحج . نحب نحققلها امنيتها مادامي مازالت شادة روحها
بالطبيعة هناني و قالي امورك مريقلة و كان لزم نعاونوها
و طبعا لا خذيت فلوسي ..لا تريقلت اموري و زيد طردني من خدمتي و مرمدني ..و لا مشات امي للحج .لا عندي بش نبعثها ..
سيد المستشار .. انت تعرف انو هذا صحيح و انو جزء منو موثق .. و انت تعرف انك كذبت علي عامين كاملين
سيد المستشار ..امي اليوم تتعارك مع عزرائيل ..و ممكن عمري ماهي بش تحج .
ما نحكيلكش قداش بش تقعد في قلبها و في قلبي
سيد المستشار ..عمري ما نسامحك لا انت لا عرفك
و حسبي الله و نعم الوكيل .
المصدر
