علق طارق الكحلاوي كرونيكور برنامج في 90 دقيقة على إي أف أم، اليوم الجمعة 24 جوان 2022، على مسألة إيقاف رئيس الحكومة الأسبق والقيادي السابق في حركة الن
فيديو
علق طارق الكحلاوي كرونيكور برنامج في 90 دقيقة على إي أف أم، اليوم الجمعة 24 جوان 2022، على مسألة إيقاف رئيس الحكومة الأسبق والقيادي السابق في حركة النهضة حمادي الجبالي.
وقال الكحلاوي:" عنا موضوع انستالينغو ونماء، يبدو فما علاقة ما بين الأشياء هاذي واللي سمعت القضية تفرعت إلى 3 قضايا فرعية، منهم وحدة مشات لقطب مكافحة الإرهاب، على ما يبدو تعهدت بيها المحكمة العسكرية ثم تخلات فيه لقطب مكافحة الإرهاب،
الحاجة الأخرى أنو يبدو توة الاتجاه متاع مركب القضايا هاذيا ماشي في اتجاه موضوع أمن قومي وبالتحديد تخابر مع دولة أجنبية ويبدو أنو المعنية بهذا هي تركيا هذا الأبحاث وين ماشية، وهذاكا علاش يبدو إيقاف المسؤول الأمني السابق اللي كان يعمل كقنصل عام في إسطنبول يبدو...
مسألة جمعية نماء نعرفو هي أيضا نعرفو اللي هيئة الشهيدين شكري و البراهمي جاهم ملف ما قالوش منين جاهم أما يبدو من مصادر أمنية، نشروا جزء منو فيه هالتحويلات لعدد من المسؤولين متاع جمعية نماء، منهم هذا حاج لطيف يبدو عندو كان دور مهم في الربط في الكواليس على المستوى المالي،
فما رئيس الجمعية حسان المؤدب يبدو هو معني بالتحقيقات وهو أيضا كادر في حركة النهضة وانجمو نلقاوه حتى يشارك في تكوين كوادر بلدية لحركة النهضة..
إذا يبدو هذا ملف قاعد يكبر، لكن للأسف مرة أخرى هذا مبني على أقوال محامين ومصادر أمنية، اليوم وزارة الداخلية لم تتحدث عن أي تفاصيل في الموضوع هذا، مرة أخرى فما حالة متاع ضباب في المعلومات..
نستقيوه بشكل مباشر من مصادر مباشرة أما وزارة الداخلية كنت ننتظر بش تخصص جزء من الموضوع وسألوها بعض الصحفيين قالولها شنية وضعية حمادي الجبالي التي يقال من مصادر مختلفة أنو صهرو هو من الناس الموجودين في الموضوع هذا وصهرو هارب لتركيا إلى آخره،
لكن هذا الكل أخبار نقولها هكا على عواهنها يعني اليوم وزارة الداخلية سئلت حتى من بعض الصحفيين ولم تجب لم تتفاعل أصلا، مرة أخرى النقطة الصحفية متاع اليوم لم تقدم أي معطيات جدية رغم اللي الأخبار التي قدمت خطيرة وجدية".
