كلمة #الشقف اللي استعملها الاتحاد العام التونسي للشغل ليست كلمة اعتباطية وإنما كلمة عندها تاريخ كبير يرجع إلى سنة 1947
أثارت طريقة الاتحاد في الإعلان عن أن الإضراب العام مازال قائما برشة ردود أفعال وخاصة استعمال كلمة #الشقف
كلمة #الشقف اللي استعملها الاتحاد العام التونسي للشغل ليست كلمة اعتباطية وإنما كلمة عندها تاريخ كبير يرجع إلى سنة 1947، وقت الاتحاد قرر الإضراب العام يوم 4اوت 1947 وكان إضرابا ناجحا جعل السلطات الفرنسية والمقيم العام يفكر بل ويحضر أمر حل الاتحاد باش يصحح عليه محمد الأمين باي ، وقتها فرحات حشاد طلب يقابل الباي وبالفعل تم اللقاء يوم 23اوت 1947 بعد أحداث دامية شهدتها البلاد...فرحات حشاد لقى من الباي كل التعاطف ووعدو أنه لن يمضي قرار حل الاتحاد وأمام إصرار الباي تراجع المقيم العام عن قراره وعندها قال حشاد كلمته الشهيرة " الفائدة في الشقف نطمان عليه" والشقف المقصود بيه هو الاتحاد العام التونسي للشغل
هذاكة علاش كيف تشوفوا affiche الاتحاد اليوم اعرفوا اللي فيها إحالة على كلمة فرحات حشاد الشهيرة
يومكم ذاكرة وطنية
(أمال عدواني)
