وسيم ميقالو يروي رحلة علاجه من الادمان ...كان امامي طريقين اما الموت او السجن

  #وسيم_ميقالو في بودكاست #عثرة : أنا غطست في حاجات خايبين ياسر ياسر ، حتى عباد قرابلي تو يقولولي برافو كيفاش نجمت تخرج منهم ، أنا وصلت في ل...

 

#وسيم_ميقالو في بودكاست #عثرة :

أنا غطست في حاجات خايبين ياسر ياسر ، حتى عباد قرابلي تو يقولولي برافو كيفاش نجمت تخرج منهم ، أنا وصلت في لحظة كيما فلوكة في البحر ولا عاد ترا في رمل لتالي ولا حتى شي قدامها ومستحيل يجي شكون يمنعك ... أنا رقدت قمت خذيت قرار مشيت لأمي قلتلها باش نمشي نعدي 13 في كلينيك باش نظف روحي ،عملت traitement كامل .. قعدت 21 يوم لا تاليفون لا حتى شي باش نظفت روحي جملة من الحاجة إلي كنت مدمن عليها ، خاطر سايي ماعندك وين تهرب قدامك زوز حلول يا باش تموت يا باش تشد حبس .. بنتي قاعدة تكبر ، فما عامين من حياتي فلتتهم ماريتهاش كيفاش كبرت فيهم ، أنا فاش قاعد نعمل ؟ .. بنتي عمرها عامين بدات تفهم وأنا إلي قريب عمري 40 سنة مافهمتش روحي إلي لازمني نتهد ونريض ... خذيت قرار ، ومشيت لأمي قلتلها راني نستهلك في الحاجة الفلانية وراهو جعفر القاسمي حطني في تواصل مع طبيب من المنستير ومشيت لغادي ... واي حد يحب يعمل العلاج هذا يبعثلي وأنا نحطوا في اتصال مع الطبيب هذا